Peeche Mat Dekhna : Wapas Lautne Ki Bhool
Hawa thodi thandi thi, Dilli ke October ki shaam, jab Meher apne kamre ki khidki se bahar dekh rahi thi. Chaand ki safed roshni usse kisi ki yaad dila rahi thi. Sadkon pe rush tha, horns ki awaazein, sadako pr logo ke baatein, lekin uske liye duniya bilkul chup thi par kabhi-kabhi dil mein ek aisi khamoshi hoti hai jo sirf ek insaan ko sunai deti hai. Meher ke liye wo khamoshi ab sirf ek hi chehra lekar aati thi—Aayush.
Ek saal guzar chuka tha Bhoolgaon ki us raat ko. Aayush aur Raghav uss shraapit jungle mein hamesha ke liye phas gaye, aur sirf Meher aur Tanu zinda bach gayi. Lekin zinda rehkar bhi, Meher har raat thodi thodi andar he andar toot-ti jaa rahi thi. Usne kabhi kisi se nahi kaha, lekin wo Aayush ke liye uska ektarfa pyaar aaj bhi usse sonne nhi deta tha. Uski hansi, uska careless attitude, aur wo chhoti-chhoti baatein… sab uske dil mein aaj bhi uske dil ko emotional kr deta tha. Har raat sapno mein wo wahi jungle dikhai deta, aur har sapne ka end ek hi line par hota:
Peeche mat dekhna.
Ek late night, jab Dilli ki hawao me sar-sarahat thi, Meher apne laptop par vlog edit kar rahi thi. Tabhi screen flash hui, aur ek saal purani woh recorded video chalne lagi.......lekin ek second woh live thi aur live chat mein sirf ek pop-up aaya:
Last Chance. 11:59. Bhoolgaon.
Uske haath kaap gaye. Ye koi spam nahi tha — ye ek bulawa tha. Uske andar kuch toofaan ki tarah uth gaya. Ek saal se dabaa hua guilt aur pyaar… jaise uski rooh cheekhne lagi ho.
Wapas Lautna
Ek Shaam, Tanu car chala rahi thi. Raat ke 8 baje wo Bhoolgaon ki taraf badh rahi thi. Dono chup the. Jungle ke kareeb aate hi, raaste ka andhera ghana ho gaya. Car ke headlights ke cone me sirf patte, dhool aur kabhi-kabhi koi tuti hui gaadi ka frame dikh jata. Har mod pe lagta jaise jungle unhe andar kheench raha ho.
Tanu ne poocha, Tu sure hai na, Meher ? Ye pagalpan hai.
Meher ne sirf ek baar dekha, uski aankhon me aansu chamak rahe the.
Main bina usse mile nahi jee sakti.
Shaam ke 8:40 baje wo Bhoolgaon pahunch gayi. Ek ajeeb sa sannaata tha. Na kutte bhonk rahe the, na hawa ka sur. Sirf dead silence. Guest house waisa hi tha jaise ek saal pehle tha—bas ab aur bhi veeraan. Darwaza aadha toota hua, khidkiyon pe cobwebs, aur ek purana jhoole ka handle hawa me karrr karrr ki awaaz kar raha tha.
Dono dheere-dheere andar gayi. Aur tab unka dil tharr gaya. Kursi par Baba Nagesh ka skeleton baitha tha. Haath mein wahi Chandi ka kada tha jo ek saal pehle unhone diya tha.
Tanu ne dheere se kaha, “Meher… baba…”
Tabhi Meher ka phone vibrate hua. Screen pe likha tha —
Auto Live Stream Started: 1 Viewer
Aur live feed mein wo dono guest house ke andar khadi thi… lekin phone to Meher ke haath mein tha.
Pyaar ki Goonj
Raat badh rahi thi. Andhera ghana hota ja raha tha.
Jungle se awaazein aayi --jaise koi door se pukar raha ho.
Guys… I’m here… bas peeche mat dekho…
Meher ka dil ekdum uth gaya. Ye awaaz Aayush ki thi. Sirf awaaz nahi… jaise uska saara wujood wapas aa gaya ho. Uski yaadein, uske jokes, wo pal jab usne Meher ka camera leke kaha tha..
Ek din tujhe Bollywood le jaunga, dekh lena.
Phone vibrate hua. Live Chat: 1 Viewer – “I see you, Meher.”
Tabhi ek purani diary unke pair ke paas gir gayi. Jaise kisi ne jaan bujhkar unke liye rakhi ho.
Meher ne diary uthai.
Uske andar likha tha:
Jisne pyaar adhura chhoda, wo yahan se kabhi nahi jaa sakta. Uski rooh ke tukde yahin bikh jaate hain, aur unke liye duniya ek chakra ban jaati hai.
Aankhon me aansu aa gaye. Tanu ka haath kaanp raha tha.
Meher… ye sab fir se shuru ho gaya hai…
Meher bas ek hi chehra dekh raha tha --Aayush ka. Wo pal yaad aaya jab car ke backseat me usne uska haath pakadne ki koshish ki thi, par kabhi keh nahi paayi. Ab lag raha tha… shayad kabhi keh hi nahi paayegi.
Mandir aur Shraap
Guest house ke peeche ka raasta sukhhi haddiyo aur patton se bhara tha.
Ek purana tantrik mandir andhere me chamak raha tha. Ghanti apne aap hil rahi thi, hawa thami thi, jaise duniya ruk gayi ho. Andhere se ek chehra nikla --Raghav. Uski aankhon me roshni nahi thi. Usne sirf honton se kaha, “Meher… tu wapas aayi…”
Aur tabhi ek aur awaaz --Aayush ki.
Tujhe yaad hai na wo raat… jab tune kaha tha tu mujhe kabhi chhod nahi sakti?
Meher ke aansu beh gaye. Wo haath badhane lagi. Tabhi Tanu ne cheekha, “Meher! Control kar!”
Par der ho chuki thi. Raghav ne apni ungli se mandir ke beech ka kala darwaza dikhaya. Zameen phat gayi. Hawa tez ho gayi. Black portal khul gaya. Ek pal ke liye Meher ko laga wo Aayush ko dekh rahi hai --wo wahi hoodie pehne, usi muskaan ke saath. Par uski aankhon me khoon si laal thi.
Jungle ki Antim Raat
Mandir ke beech ghana andhera tha, aur portal se aati hawa ka shor jaise poore jungle ko nigal rahi thi.
Meher aur Tanu ek dusre ke haath pakad ke khadi thi, kaanp rahi thi. Tabhi andhere se ek parchaai ubhri. Pehle sirf ek silhoutte… phir dhire-dhire ek chehra roshni me aaya --Aayush.
Uska chehra zakhmon se bhara tha, kapde phate hue, lekin uski aankhon me ek ajeeb sa sukoon tha… jaise wo maut ke paar jaa ke wapas aya ho. Usne bas ek line kahi, jo dono ke dil cheer gayi:
“Tum aa hi gayi…”
Meher ki aankhon me aansu aa gaye. Par Tanu ka chehra safed pad gaya—uska dil sirf ek hi sawal puch raha tha:
“Raghav kahaan hai?”
Flashback:
Aayush ne unki taraf dekha, phir zameen par baitha jaise saalon se thaka ho.
“Ek saal… ek saal se hum yahin the. Har raat ek nayi maut hoti thi..har subah ek naya shraap...Raghav… woh… woh zyada der nahi tik paaya.”
Tanu ki saansein ruk gayi. Uske dimaag me ek saal pehle ki wo yaadein flash ho gayi —
-
Raghav ka wo shy proposal bus stand par, jab usne kaha tha:
“Tanu… tum chaho toh… hum try kar sakte hain.” -
Aur Tanu ka halka sa hass ke kaha:
“Arey Yaar!...Raghav… tum dost he acche lagte ho.”
Usne socha tha ki woh usse iss trip mein surprise degi. Wo us raat usse kehne wali thi — “Haan, main bhi tumhe pyaar karti hoon.”
Lekin usse sirf ek haveli aur waha ke shraap ka shikaar banna pada… aur ek saal baad ek aisi sachchai, jo uski rooh cheer gayi.
Aayush ki awaaz thodi bharayi:
Usne mujhe bachane ke liye… apni jaan de di.
Usne kaha, ‘Mein hamesha se akela hoon…anathashram mein bhi tha...
Par Aayush aur uske parents nein yaha delhi me settle hone me uski kaafi madad ki thi...aur Ayush ko yaha lane ko convince maine kiya tha..yein kehte hue woh kaate se bhare kuay mein kud gya aur apni bali de di.
Tanu ab zameen par gir gayi. Uska dil toot chuka tha.
“Mujhe pata hi nahi tha… ki main hi uski duniya thi…”
The Horror of Love and Loss
Hawa aur tez ho gayi. Kala portal ghoom raha tha jaise andhera sab kuch nigalne aaya ho.
Aayush ne Meher ka haath pakda aur bola:
Raghav ki maut ne mujhe adhmara insaan bana diya...mein bhi uss shrap se nhi bach paya...Lekin usne mujhe ek saal ki zindagi di… sirf tumhare liye, Meher...Ab mera waqt khatam hai.
Usne Tanu ki taraf dekha, woh sirf roye ja rahi thi. Usse yein sab na sunna ja raha tha na dekha.
“Woh tumse pyaar karta tha… aur jaane se pehle bhi, bas tumhara naam liya....Aur yein phool dene ko kaha.” --Ayush ne kaha.
Tanu ki cheekh jungle me goonj gayi....yein wahi bouquet ka phool tha jo woh usse deker surprise krna chahti thi. Pehli baar, wo sach me toot gayi...Usse woh din yaad aagya...jab usne hass kr baat udda di thi.
The Final Goodbye
Ab Andhera portal ki taraf kheench raha tha. Aayush khada hua, dono ke kareeb aaya, aur unke haath apne haath me liye.
Tum dono bach gayi… bas ek wada karo… zindagi jeena seekho.
Raghav ke liye… aur mere liye.
Usne Meher ke kaan me dheere se kaha:
Pyaar adhura tha… par tum meri poori duniya ban gyi ho....alvida!
Aur phir Tanu ki taraf dekha:
Uska pyaar tum thi… hamesha se....pr tumne der kr diya.
Ek antim baar, Aayush ne unhe gale lagaya, jaise apni rooh ka ek tukda chhod raha ho. Fir usne unke haath chhod diye… aur portal me achanak se kud gaya. Hawa ruk gayi. Portal band ho gaya. Jungle fir se khamosh ho gaya.
One Year Later
Subah ke 6 baje, ek local villager ne Meher aur Tanu ko mandir ke bahar behosh paya.
Unke haath me ek chandi ka kadda aur ek diary page tha:
'Akela tha main, par tumne roshni dikhayi,
Chhupke pyaar ki baat bhi sirf tum tak hi aayi.
Gum ye nahi ki tum meri na ho paayi,
Tumhari yaadein hi meri sabse badi dawai.Na jaane phir kab mulaqat hogi,
Shayad sirf yaadon ki hi baat hogi.
Agar kabhi hawa me mera paigaam suno,
Samajh lena… yahin kahin humari mulaqat hogi.'— Raghav
Dono ro padi. Us din ke baad, Meher aur Tanu ne horror vlogging chhod di. Lekin har Diwali, wo Bhoolgaon ke raste pe ek diya jalati hain… ek Raghav ke liye, ek Aayush ke liye.
Kabhi-kabhi hawa me ek halka sa sur goonjta hai, jaise koi fiza me keh raha ho:
Hum khush hain… bas ab peeche mat dekhna.
.jpg)
